Pengawa tamat ngajat tu diatur ba Dewan Tan Sri Alfred Jabu di SMK Saint Augustine Betong. Bisi 14 iku sida ke lelaki tamat ngajat malam nya. Semua sida tu diajar guru ngajat sida En Alfred Buma. Rami malam nya asaika begawai laban semua main ke diayanka endang ngajat magang nyengkaum ngajat bebala mayuh. Meri tabi puji ngagai sida tu laban udah sanggup belajar sereta ngena chara nya, ngetanka main asal bansa kitai.
