Pengerami Makai Malam beserimbai enggau Seminar Budaya Iban 2009

Kena malam hari 6 (28 Mac 2009) bisi diatur pengerami makai malam ke diatur ba MRSM bagi menua Betong. Pengerami tu digulu bala ke enggau ngulu seminar nya sereta enggau bala perayat menua Betong empu. Lebuh pengerami nya, bisi dibantaika main asal kitai Iban baka ngajat, bebiau, kuntau, bepantun, gendang rayah, enggau ke bukai. Pengerami malam nya endang ngena bendar enggau seminar ke benung diatur.

Seminar Budaya Iban 2009

Lebuh maya seminar nya kemari mayuh bendar keretas kereja ke dibantaika. Sekeda ari iya nya baka "Adat Beburung" ke dikenataika Datuk Nellie Tangai (Ketua Majlis Adat Istiadat) enggau Iban Music, Dance and Tradition ke dikenataika DS Celestine Ujang.
Ba Pengujung seminar tu, raban ke bii ngulu pengawa nya madahka pengaga ati diri sereta minta pengawa ke baka nya diaduka ninting taun. Awak ke baka nya dijadika endur bala ke ngulu nya baka sida tuai rumah, pengulu, pemancha berandauka sereta betukar runding enggau penemu. Ba pengawa ke baka tu mega siti ari endur sida nya ngenataika penanggu diri senentang siti-siti pekara ke bekaul enggau pengidup Iban.

Seminar Budaya Iban 2009

Seminar tu dipejalaika ari 27 Mac ngagai 29 Mac 2009 ba Dewan Stephen Kalong Ningkan di Betong. Kurang lebih 200 iku bala Iban iya nya bala pengari ari sekayu mena Sarawak tu enggau ngulu seminar tu. Seminar dipejadika DP Tan Sri Alfred Jabu.
Gambar ditu ngayanka sekeda ari gaya lebuh maya pengerami tu dipejadika kena pagi 28 MAc.

Pendam Kena Sengkubang

Kena 27hb Dua tu tadi, dia rumah panjai orang di Kamidan Awik, Saratok begau laban pendam kristian ke di seberai rumah kena sengkubang orang. Penyampau pendam ke kena sengkubang

nya bisi 11 iti.

Bengkel Penataran Format Baru Bahasa Iban PMR (Tikas Bahagian Betong)

Dikena nyempulang penatarn ke digaga di Miri dia aku enggau Pengajar Daniel Embie udah mujur ngaga bengkel tu di Saratok kena 12.03.2009 tu tadi. Bisi 20 iku pengajar ke datai ari 8 buah sekula ke bisi ngajar subjek tu datai. Taja bengkel tu digaga sehari aja, iya mujur endur ngirika penemu sereta berita baru ngagai bala pengajar ke datai. Kelimpah ari nya, maya bengkel, bala pengajar udah mujur ulih ngaga dua set keretas tanya ngambika bisi dikena ba sekula diri.
Bala pengajar minta bengkel ke sebaka baka tu digaga baru sekali agi ngambika ulih ngemayuhka agi keretas tanya nya lalu ulih nemu penaka enggi sekula siti-siti.
Terima kasih ke penatai bala pengajar ke ngulu bengkel sehari nya.

Penataran Format Baru Jaku Iban 2009

Kena 23 ngagai 26 hb Dua 2009 dia sida ari Lembaga Peperiksaan Malaysia udah mujur ngatur pengawa tu di Parkcity Everly Hotel di Miri. Maya nya suba kelimpah ari bala pengajar dia bisi raban ari opis mega datai baka En Padang Luna ari BPK, Putrajaya, En Francis Mancha ari SPA, En Duncan Luta ari UPP enggau Dr Linton Jerah Britten ke ngarika bala Pengetua.
Bala pengajar maya nya suba dipadahka pasal format baru keretas peresa Jaku Iban PMR. Sida ke meri licha maya nya iya nya En Adzman Talip, En Masrol Saminggon, En Geoffrey Singgon enggau En Jain Chee.
Kelimpah ari ke ningaka licha, bala pengajar mega diberi bengkel ngaga tanya nitihka gaya sereta format baru nya tadi.

SPM Bahasa Iban

Pemutus peresa udah pansut. Nya tau ditemegahka bala kitai laban pemutus peresa nya nyadika siti ari singkang kitai dalam ngemansangka jaku tu ke mua agi. Arapka taun tu enggau taun ke deka datai, mayuh agi nembiak enggau orang luar (persendirian) ke ngambi peresa subjek tu. Meri tabi puji ngagai bala nembiak enggau orang luar nya ke udah napi sereta ngambi peresa SPM Bahasa Iban keterubah iya.