Karnival Gawai Menua Betong 2009

Taun 2009 tu pengerami Gawai Menua Betong tu ngatur pekita Keling enggau Kumang Gawai. Sida Keling bisi 9 iku ke masuk pekit tu lalu sida Kumang bisi 15 iku. Ari nya, sebedau final pekit Kumang kena malam 23 Mei, dia 9 iku Kumang deka dipilih ari 15 iku ke masuk. Lebuh karnival tu tadi sida Kumang tu ngambi bagi ba semi final dikena milih 9 iku sida nya.

Karnival Gawai Menua Betong 2009

Pekit Betabuh. Gambar ke dipeda nya gambar raban ke mujur menang dalam pekit tu. Sida tu diasuh betabuh ba mua Dewan Rentap lalu siku dua nya diasuh ngajat.

Karnival Gawai Menua Betong 2009

Kena 16 Mei 2009, dia pengerami Karnival Gawai bisi diatur ba Dewan Panglima Rentap. Pengerami tu dipejalaika ari pagi nyentukka malam. Pengawa ke bisi diatur nya baka Pekit Nyumpit, Pekit Ngajat, Pekit Ai Tuak, Pekit Betabuh, Pekit Bebiau enggau Pekit Kumang (semi final). Lebuh maya pengerami tu kemari dia Residen Menua Betong En Romie Daniel, DO En Friday Belik enggau Chairman Pengatur Gawai Menua Betong DE En Richard Tajan bisi datai. Ba tu kitai meda sekeda ari pengawa ke bisi diatur hari nya.

Main Asal Iban maya pengerami makai malam Seminar Budaya Iban 2009

Sekeda ari main asal ke sempat diambi gambar lebuh pengerami nya. Arapka bala teperindang mega.

Pengerami Makai Malam beserimbai enggau Seminar Budaya Iban 2009

Kena malam hari 6 (28 Mac 2009) bisi diatur pengerami makai malam ke diatur ba MRSM bagi menua Betong. Pengerami tu digulu bala ke enggau ngulu seminar nya sereta enggau bala perayat menua Betong empu. Lebuh pengerami nya, bisi dibantaika main asal kitai Iban baka ngajat, bebiau, kuntau, bepantun, gendang rayah, enggau ke bukai. Pengerami malam nya endang ngena bendar enggau seminar ke benung diatur.

Seminar Budaya Iban 2009

Lebuh maya seminar nya kemari mayuh bendar keretas kereja ke dibantaika. Sekeda ari iya nya baka "Adat Beburung" ke dikenataika Datuk Nellie Tangai (Ketua Majlis Adat Istiadat) enggau Iban Music, Dance and Tradition ke dikenataika DS Celestine Ujang.
Ba Pengujung seminar tu, raban ke bii ngulu pengawa nya madahka pengaga ati diri sereta minta pengawa ke baka nya diaduka ninting taun. Awak ke baka nya dijadika endur bala ke ngulu nya baka sida tuai rumah, pengulu, pemancha berandauka sereta betukar runding enggau penemu. Ba pengawa ke baka tu mega siti ari endur sida nya ngenataika penanggu diri senentang siti-siti pekara ke bekaul enggau pengidup Iban.

Seminar Budaya Iban 2009

Seminar tu dipejalaika ari 27 Mac ngagai 29 Mac 2009 ba Dewan Stephen Kalong Ningkan di Betong. Kurang lebih 200 iku bala Iban iya nya bala pengari ari sekayu mena Sarawak tu enggau ngulu seminar tu. Seminar dipejadika DP Tan Sri Alfred Jabu.
Gambar ditu ngayanka sekeda ari gaya lebuh maya pengerami tu dipejadika kena pagi 28 MAc.