Gawai di Semumuk Baruh

Kena 30 Mei kami sebilik mulaika diri ke rumah panjai di Semumuk Baruh, Betong. Maya ke datai nya endang sigi udah mayuh bala bukai ke gawa di nengeri ke udah datai mulaika diri. Lama bendar udah aku enda begawai ditu labanka begawai di Saratok enggau Kuching. Mayuh pengawa ke udah diatur bala komiti rumah panjai dikena ngintu gawai baka ke taun tu. sekeda ari nya baka pekit nyumpit, pekit mua jai, pekit nyura nembiak, pekit karaoke, pekit futsal enggau ke bukai. Ba mata aku, manah bendar pengawa ke baka tu diatur ngambika dikena mensia limpang ari ke ngirup belama. Tu mega tau ngerapitka agi kaul kami serumah enggau pangan diri kelimpah ari ke dikena ngerami gawai.

KArnival Gawai Menua Betong 2009

Nampung berita begambar ke tadi.

Karnival Gawai Menua Betong 2009

Nya tadi sekeda berita lalu disempulang aku enggau gambar. Ke tu, sekeda gambar ke senentang pekara ke nyadi maya nya suba (Candid).

Karnival Gawai Menua Betong 2009

Muak ke malam, dia Pekit Karaoke Lagu Iban bisi diatur ba Dewan Tan Sri Alfred Jabu di SMK Saint Augustine. Penyampau orang ke masuk pekit tu bisi 24 iku. Ba malam final tu, dia 10 iku udah mujur dipilih. Pengerami tu nerima sambut ke manah bendar ari orang ke diau ukai semina ari menua Betong tang nyau datai ari Sarikei mega.

Karnival Gawai Menua Betong 2009

Taun 2009 tu pengerami Gawai Menua Betong tu ngatur pekita Keling enggau Kumang Gawai. Sida Keling bisi 9 iku ke masuk pekit tu lalu sida Kumang bisi 15 iku. Ari nya, sebedau final pekit Kumang kena malam 23 Mei, dia 9 iku Kumang deka dipilih ari 15 iku ke masuk. Lebuh karnival tu tadi sida Kumang tu ngambi bagi ba semi final dikena milih 9 iku sida nya.

Karnival Gawai Menua Betong 2009

Pekit Betabuh. Gambar ke dipeda nya gambar raban ke mujur menang dalam pekit tu. Sida tu diasuh betabuh ba mua Dewan Rentap lalu siku dua nya diasuh ngajat.

Karnival Gawai Menua Betong 2009

Kena 16 Mei 2009, dia pengerami Karnival Gawai bisi diatur ba Dewan Panglima Rentap. Pengerami tu dipejalaika ari pagi nyentukka malam. Pengawa ke bisi diatur nya baka Pekit Nyumpit, Pekit Ngajat, Pekit Ai Tuak, Pekit Betabuh, Pekit Bebiau enggau Pekit Kumang (semi final). Lebuh maya pengerami tu kemari dia Residen Menua Betong En Romie Daniel, DO En Friday Belik enggau Chairman Pengatur Gawai Menua Betong DE En Richard Tajan bisi datai. Ba tu kitai meda sekeda ari pengawa ke bisi diatur hari nya.