Tuju blog tu digaga laban deka mai bala mayuh ke mansa ngelala siti ari rumah panjai di menua Betong, Sarawak. Kelimpah ari nya, mai bala meda pengawa ke dikereja nembiak redak rumah panjai nya besehari-sehari. Rumah panjai tu dikumbai orang Semumuk Baruh lalu enda bangat jauh ari pasar Betong empu. Rumah panjai tu enda panjai semina 13 pintu aja. Bala ke diau di rumah panjai tu enda mayuh lalu sigi ukai orang bukai enggau pangan diri endang kaban belayan ke semak. Taja pan rumah tu enda jauh ari pasar Betong, iya bedau bisi jalai alun ke menyana nuju rumah. Semina dalam tahun 2007 lebuh bala kontraktor ngelasi Sungai Semumuk, dia bala minta ban digaga besai lalu dijadika jalai. Diatu jalai (ban) nya endang mansa rumah panjai. Taja jalai nya bedau meruan, tang manah agi mega ari ke enda datai jalai. Diatu enti maya kemarau, jalai nya ulih ditengah lalu muto ulih nuntung di kaki tangga. Bala sida tu serumah endang agi ngemeranka pengawa bumai betaun, nangkal getah, bekebun, gawa perintah sereta pengawa rama ke bukai.
6 comments:
terus ke blog tu pengajar
TQ. I need each and every one support.
Sesuatu yang belum dilakukan seringkali nampak mustahil, kita baru yakin kalau itu mungkin setelah berhasil dilakukannya. (Evelyn Underwill)
teruska blog tu pengajar
anang angat-angat tai manuk!!!
Uchutedung,
Terima kasih ke comment nuan. Arapka ulih berandau baru ila sereta ulih bulih sukung ari nuan.
Blog ke manah. Very informative, especially ba tusut enggi nuan empu! Keep up.
Post a Comment