Bala pengajar sekayu menua Sarawak tu berasai temegah amat ati ketegal pemutus peresa PMR Jaku Iban (37/1) taun 2008. Ari sida ke gawa ba JPN dia sida madahka pemutus peresa subjek Jaku Iban PMR nyadi pemutus peresa ke pemadu manah di menua Sarawak tu ari subjek ke bukai.
Tabi puji ngagai semua pengajar Jaku Iban ke udah enggau liat ati mekuhka jaku tu sereta bebendar amt ngajar dataika bulih pemutus ke baka tu. Tabi puji mega ngagai bala nembiak ke udah ngambi peresa Jaku Iban laban udah berani napi semua penanggul dalam belajarka jaku tu ari Pom 1 ngagai 3.
Pengaga tu ukai pengaga siku-siku aja tang ke pengaga ke semua nyengkaum bansa kitai nya empu. Arapka taun tu pemutus peresa nya tau mujur agi ari ke udah. Pia mega arapka bala pengajar enggau nembiak bebendar agi ngajar sereta belajarka jaku tu.
3 comments:
Tabi puji suh bala pengajar laban udah bebendar ngajar sereta nyendiaka pelajar kita napi PMR 2008.
Ngagai bala nembiak ke bulih pemutus peresa ke manah aku meri tabi puji suh kita.
Ngagai bala kitai ke enda tentu manah anang tusah ati. Betuah mih kitai laban dibai orang nyepi nyaut tanya lebuh peresa PMR. Pengesal ati kitai maya nya enda sebaka enggau lebuh kitai ngambi peresa ba peringkat sekula.
terima kasih ke komen nuan.
24 hari bulan Disember 2009 tu pemutus peresa PMR deka dikeluarka. Kati udah besedia napi pemutus peresa nya?
Post a Comment