Kena 14 Jun 2009, pukul 5 lemai Tuai Rumah kami di Semumuk Baruh bisi ngangauka bala bebai baum. Aum nya digaga maya nya ngambika enda badu nyau kelalu laun jauh malam. Pekara ke dikerandauka maya nya iya nya pasal duit ke ulih maya pengerami gawai tu tadi ari mayuh macham pekit. Penyampau ke udah dikira nya bisi RM1037.00. Duit tu deka disimpan ba bank nyadika duit gerempung rumah. Pekara ti kedua nya iya nya pasal tusun umai / bagi umai Tanjung Semumuk. Bisi 10 pintu ke endang deka bumai taun tu lalu bagi tanah nya udah diatur tuai rumah enggau manah. Pekara ti ke tiga nya pasal orang ke deka meri bantu nambun batu ba jalai baru ngagai rumah. Belanja ke dibisi disebut nya RM20 ribu. Bala bela gaga niga tu lalu tulung tu dikena ngaduka genturung jalai ke endang bedau ditambun / jai.
Aum lemai tu mujur bendar lalu Tuai Rumah Nicholas pan gaga meda tulung sereta sukung ari nembiak redak iya.
2 comments:
Pajakka pengawa kita ke selalu baum lebuh bisi pengawa enggau begerempung taja rumah enda panjai.
'Bersatu Teguh Bercerai Roboh'
Terima kasih menyadi. Enti bisi maya nuan tau nemuai ngagai kami ditu.
Post a Comment