Kena hari 3 (10 Jun 2009) pengajar Samuel bisi ngangau ke aku ngagai rumah iya ngabang gawai. Maya nya bisi siku temuai iya nya penyanyi kitai Iban, Clement Joys, bisi mega datai. Kelimpah ari iya bisi mega siku pengajar ari Sekula Teknik,Pengajar Majah enggau DJ Jimbu sebilik datai. Randau maya nya endang mayuh amat ke besangkut paut enggau pengawa belagu. Dalam randau kami nya, aku bisi nyelepak mimit pasal atur sepil ke dikena ba lagu kitai Iban sereta enggau sekeda leka jaku ke enda tentu engkeman ke suah dikena mega dalam lagu kitai Iban. Clement bisi bendar pengarap senentang pekara tu klebih agi ngagai sida ke ngaga lagu / lirik baka Pengajar Samuel empu, ulih ngena atur sepil sereta leka jaku ke engkeman dalam lagu iya. Reti tu iya deka nyadi siku ari kitai ke sama betulung ngemansangka Jaku Iban nengah lagu iya. DJ Jimbu pan sama baka iya mega pengarap ngambika bisi dikena iya lebuh ke bejaku ba radio. Gaga amat ninga penemu seduai nya. Arapka pekara tu nyadi, enti enda mayuh, buji mimit nya dulu pan pama mih ngambika lagu kitai tau mansang disempulang ngena Jaku Iban ke manah.
Kelimpah ari nya, malam nya mega baru aku ingatka Clement Joys tu junior aku maya ba MPR/IPR suba. Kami duai iya kala bemain band lebuh rami sekula di Bayong, Sarikei.
3 comments:
Manah amat randau kita sebuat bisi bekaul enggau jaku Iban. Aku laban bisi pengerindu ba jaku nya rindu ninga enti orang bisi ati deka enggau ngerembaika jaku nya.
Aku pan nyukung pengawa ngaga leka lagu Iban ngena sepil ti betul. Bisi siti album penanyi Iban ari Betong, Sue Suzana di'edit' aku ngena sepil Iban ti betul (99%) taja pan penemu aku ba atur sepil jaku Iban agi pandak@mimit tang aku bisi ngena kamus Iban enggau majalah Pegari nyadika referen.
Terima kasih ke sukung ari seduai. Rindu ati meda bisi orang ke deka kiruhka jaku kitai tu. Enda ibuh nya mimit tang amat mih bisi.
Post a Comment